2024 жылдың 22 сәуір мен 26 сәуір аралығында Erasmus+ бағдарламасы аясында Қазақстанға келген композитор, Вроцлавтағы Карол Липинский атындағы музыка академиясының (Вроцлав, Польша) театр және кино музыка студиясының жетекшісі, хабилитацияланған доктор Себастьян Ладыжинскийдің шеберлік сыныптары өтті. Вроцлавтағы Карол Липинский атындағы музыка академиясы Құрманғазы атындағы Қазақ ұлттық консерваториясының серіктесі болып табылады.

2024 жылдың 24 сәуірінде Е.Рахмадиев атындағы Үлкен концерт залында Тәрбие және әлеуметтік жұмыстар жөніндегі проректор М.А.Ешмұхановтың бастамасымен және «Дебют» студенттік театрының ұйымдастыруымен Шәкен Аймановтың 110 жылдығы және Құрманғазы атындағы Қазақ ұлттық консерваториясының 80 жылдығына арналған «Шәкен әлемі» атты мюзикл қойылымы болып өтті.