-
Қалалық №4 клиникалық ауырухананың бас дәрігері аса білікті, ерекше мәдениетті, жылыжүзді Қанат Мәрденұлы басқарады екен. Біздің күніміз «Ортопедиялық хирургия» бөліміне түскен болатын. Осы бөлімнің бүкіл ұжым мүшелеріне үлкен ризашылығымды білдіріп, шын көңілден рахметімді айтқым келеді.
Ерекше лтипатпен, бөлім меңгерушісі хирург - Мейрамбек Оңғарұлына шын жүректен шексіз ризашылығымды білдіремін. Бұл дәрігер өзінің бүкіл келбетімен, мамандығына берілген құзыретті шеберлігімен, адами қасиетімен, емдеген жандарға ізгілікті қарым-қатысымен, оларға шипа жасап қана қоймай, жан дүниесіне жағымды әсер ете білетін өз ісінің шебері және игі жан! Осындай дәрәгерлер көп болса, ауырудан қасірет шеккендердің жан жарасы жеңіл жазылар еді!
Мен жасым келген адаммын, санның буын ауыруымен қатты қыйналып барып, 2019 жылдың 5 - ақпанында жасалған отадан кейін жазылып, қуанып шықтым. Қазір жақсы жүріп кеттім. Аталмыш ауырухананың осы бөліміндегі бүкіл қызметкерлердің, медбикелердің іс-әрекеттері үлкен жауапкершілікпен, ұйымшылдықпен, іскерлікпен, адамға деген ізгілікті қарым-қатыспен қызмет етуге жұмылдырылған. Бұл да бөлім меңгерушісінің ұйымдастырушылық, көшбасшылық шеберлігінен деп ойлаймын.
Жаны ауырып келгендерге осындай жаныашырлар көп болса екен деп тілеймін! Көп-көп рахмет!!!
Аймағамбетова Қазна