Мухаммад К.

Мен,Ибрашева Айгүл Аманқызы 2021 жылы 23 қыркүйек пен қазанның 6 -сы аралығында Алматыдағы Қазақ Ұлттық онкология және радиология институтының урология бөлімшесіне жоспарлы түрде емделуге түскен болатынмын.Атырау облысынан ,үш мың шақырым жерден,көңілім түсіп келгенде,алдымнан емдеуші дәрігерім,ақ халатты абзал жан,Гасанов Зеё Бахшиевич шыққан болатын.Ол кісі маған 28 қыркүйекте сол жақ бүйрегіме күрделі ота жасаған болатын.Дәрігерім отаны өте сауатты жасап шықты.Ота сәтті шықты.Әуелі мені отаға дайындап,әртүрлі анализдер алып,тексерістер жүргізді.Психологиялық түрде отаға дайындады.Отадан соң өзі Москвадан конференциядан келе жатып,үйіне бармастан науқастарын қарауға ауруханаға келіп,менің алғашқы таңуымды өзі жасады.Бұл дәрігердің жауапкершілігінің жоғары екендігін көрсетеді.Отадан кейін қалай тамақтану керектігіне дейін тәптіштеп түсіндіретін.Отадан кейін әртүрлі емшаралар жүргізілді. Зеё Бахшиевичтің науқастармен қарым-қатынасы жақсы,жылы сөздерімен өмір сүруге жетелейді.Менің дәрігерім өте білімді,республика көлемінде,халықаралық дәрежедегі онкологтардың басқосуларында іс-тәжірибесі таратылып,тамаша баяндамалар оқып жүр.Мені осындай парасатты,ақылды,білімді дәрігер
емдегеніне дән ризамын. Осы уақытқа дейін дәрігерімнен ақыл-кеңестер алып отырамын.Алдағы уақытта Зеё Бахшиевичтің деніне саулық,еңбегіне толағай табыстар,отбасы бақытын тілеймін.Адами болмысыңызбен,кең жүрегіңізбен ақ халатыңызды кірбің шалмай ,адам жанының арашасы болып,аман жүріңіз.Алла сізге ұзақ ғұмыр берсін.Бала-шағаңыздың қызығын жолдасыңыз екеуіңіз бірге көруге Алла нәсіп еткей.