-
Зердеш 2 балабақшасына алғысымыз шексіз!
Балабақшаға 5 және 3 жасар қыздарым барады. Қазіргі заманда 90% балалар орыс тілінде сойлеп, ойларын да сол тілде жеткізеді. Бізде сол жағдайда едік. Үлкен қызымыз келесі жылы қазақ мектебіне баратынын шешкен соң, деңгейі жоғары балабақша іздестірдік. Ғаламтор мен ата-аналар пікірлерінің арқасында Зердеш балабақшасын таңдадық.
Шынына керек, басында үлкен қызым қатты қиналды. “Мам, они что-то на казахском говорят, говорят, я ничего не понимаю», - деп жүрген қызым, қазіргі уақытта тақпақты, өлеңді, санауды, жазуды да қазақша үйреніп жатыр. Бізге сенім артып, еңбегін сіңірген Бағила апайға алғысымыз шексіз. Қызым апайын өте қатты жақсы көреді. Келесі күзде мектепке жақсы білім фундаментімен баратынымызға күмәнім жоқ.
Кіші қызым туралы айта кетсем. Тілі енді шығып келе жатқан, эмоционалды, энерджайзер бала Өзі қазақша сөйлеуге, санауға тырысады. Кішкентай бүлдіршіндермен жұмыс істеген оңай емес. Педагогика, тәрбие жағынан балаларымызға үлкен еңбек сіңіріп жатқан Сымбат апайға рахмет!
Ал осы ұлттық логопедиялық балабақшаны басқарып, өзінің авторлық методикасымен оқытып отырған Ғалия Омаровнаның еңбегі де мол. Балаларға сапалы білім беру үшін әр педагогты оқытып, бақылап, үлкен ұжымды ауыз-біршілікте ұстап, әр ата-анаға жағу оңай емес. Бұл салада тек жанымен тән жандар ғана істей алады.
Мен өз балаларымнан үлкен прогресс көрудемін. Балабақшаға бармаймын деген күніміз болған емес. Зердеш балабақша ұжымына алғысымыз шексіз!